पैसा के हो भन्ने कुराको सार त प्रायः परिचित नै छ । नेपाली समाजमा बढिरहेको बेरोजगार र आजकलका मानिसहरुमा देखिएको इनटरनेटको लत सर्वाङ छ । मेरो विचारमा भन्नु पर्दा यदि हामी आफ्नो श्रम, सिप, समयलाई सहि सदुपयोग गर्न जान्दछौं भने “हरेक खराब सँग खराब भन्दा बढी असल कुरा हरु निकाल्न सकिन्छ ।” यसर्थ मैले यहाँ प्रस्तुत गर्न खोजेको के हो भने हामीमा भएको बेरोजगारको समस्या हल गर्न गुगल एडसेन्स बाट केही हद सम्म सहयोग मिल्न सक्छ भन्ने हो ।
तर कसरी ?
हो यो यथार्त हो । तर यसको लागी धैर्यता र मेहनतको खाँचो पर्दछ । यसरी एडसेन्सबाट पैसा कमाउन पहिला वेभसाईट सम्बन्धि केही ज्ञान हुनु पर्दछ, साथै इमेल, फेसबुक तथा अन्य सामाजिक संजालमा पनि आवद्ध हुनु पर्दछ । यदि हामी वेभ सम्बन्धि ज्ञानमा कमी छौ भने पनि केहि छैन । गुगलले ब्लग मार्फत पनि आम्दानि गर्ने अवसर प्रदान गरेको छ ।
के हो त ब्लग भनेको ?
वास्तबमा कागजी पानामा लेखिने दैनिकी डायरीको को अनलाइन स्वरुप नै ब्लग हो, जसमा आफू आफ्ना समाज राष्ट्रका गतिविधीहरु एवम विचार भावना इत्यादि कुराहरु व्यक्त गरिन्छ । जुन विश्वका विभिन्न ठाउँबाट इन्टरनेट माध्यममा देखिन्छ, जहाँ विश्वका हरेक ठाउँबाट सल्लाह सुझाव एवम् प्रतिक्रयाहरु बाड्न सकिन्छ । त्यसैले वेव माध्यममा लेखिने डायरी भएकोले यसलाई वेबब्लग भनियो जसको छोटकरी नाम ब्लग (blog) हो ।
के हो गुगल एडसेन्स (Google Adsense)?
गुगल वेबमास्टर्सको विज्ञापन कार्यक्रम अन्तरगत एड्वार्ड भनिने कार्यक्रमको संयुक्त रुप नै एडसेन्स हो । एडवर्ड भन्नाले विज्ञापन नीति अन्तर्गत विज्ञापनदाताहरुले दिएको विज्ञापनलाई प्रचारप्रसारको क्रममा विभिन्न इन्टरनेट माध्यमहरुबाट जनमानसमा पु¥याुने माध्यम हो । जसले वेवसाइट तथा ब्लग धनीहरुलाई एडवार्डबाट संकलित विज्ञापनहरु आफ्ना साइट तथा ब्लगहरुमा राख्ने अनुमति दिने कार्य गर्दछ ।
आम्दानी कसरी गर्छौं त ?
साराशंमा भन्नुपर्दा गुगल डट कममा विज्ञापनदाताहरुले आफ्नो विज्ञापन विस्तार गर्न केही रकमहरु तिरिरहेका हुन्छन्, अनि जब हरेक पटक जुन विज्ञापनमा क्लिक गरिन्छ त्यतिबेला गुगलले त्यो विज्ञापनका लागि विज्ञापनदाताहरुले तिरेको पुर्वनिर्धारित रकमबाट केही प्रतिशत अंश छुट्याएर तिर्ने गर्दछ, पछि त्यो नै हाम्रो आम्दानी हुन्छ । ती एडवार्डहरु कस्ता हुन्छन भन्ने जानकारी लिनका लागि कुनै पनि बेला गुगल डट कममा कुनै पनि कुरा खोजी गरेर रिजल्ट पेजको दाहिने पटिको साइटमा हेर्न सक्नु हुन्छ । उदाहरणका लागि मैले यहाँ खोजी गरेको कुरालाई चित्रमा प्रस्तुत गरेको छ ।
त्यसैगरी एडसेन्स कार्यक्रम एडवार्ड भन्दा बिल्कुलै फरक कार्यक्रम हो, जसले एडवार्ड विज्ञापनहरुलाई प्रचार प्रसार एवम् विस्तार गर्नका लागि तपाईं हामी जस्ता ब्लग तथा वेवसाइट संचालकहरुलाई ती आफ्ना साइट तथा ब्लगहरुमा प्रसारित गर्नका लागि अनुमति दिने काम गर्छ । अनि हाम्रो साइट तथा ब्लगहरुमा विज्ञापन राखिदिए वापत एडवर्ड ग्राहकहरुबाट गुगललाई तिरिएको रकमको केही रकम छुट्याउने गर्दछ । अर्को शब्दमा भन्नु पर्दा एडसेन्स पब्लिसर को हैसियतले तपाईंले गुगललाई ती एडवार्ड विज्ञापन प्रचारका लागि सहयोग पु¥याुने हुन्छ ।
हरेक पटक तपाईंको साइटमा त्यहाँ राखिएको गुगल विज्ञापनमा साइट भिजिटर्सले क्लिक गरे वापत प्राप्त हुने पुरा रकमको केही निश्चित प्रतिशत शेयर रकम चै तपाईंलाईं तिर्छ । त्यो नै हामीले गुगल एडसेन्स बाट कमाउने रकम हो । त्यो रकम कति हुन्छ भन्ने कुरा विज्ञापनको प्रकृतिमा भर पर्ने हुन्छ भने बढी रकम प्राप्त हुने विज्ञापन देखिने कुरा आफूले बनाएको साइट तथा ब्लगको सामाग्रीमा भर पर्दछ जसलाई अंग्रेजीमा कन्टेन्ट भनिन्छ । अनि कन्टेन्ट अनुसारका विज्ञापनहरु देखिएमा बढी क्लिक हुने कुरामा दुइमत छैन ।
यसरी बढी क्लिक हुनु भनेको आफ्नो आम्दानी पनि बढी हुँदै जानु हो । उदाहरणका लागि तपाईं कुनै सुचना तथा जानकारी सम्बन्धी ब्लग तथा वेवसाइट चलाउनुहुन्छ भने जब तपाईंले एडसेन्स प्रोग्राममा सहभागी बन्नु हुन्छ त्यति बेला गुगलले केही जाभास्क्रिप्ट कोड उपलब्ध गराउँछ, जुन चाही तपाईंले आफ्नो साइट तथा ब्लगमा राख्नु पर्ने हुन्छ ।
तपाईंले त्यो कोड आफ्नो साइटमा राखीसकेपछि गुगलले आफ्नो अत्याधुनिक स्वचालित अनलाइन प्रविधिमार्फत अघि माथि उल्लेख गरिएको साइटको कन्टेन्ट पढ्छ र त्यो ब्लग तथा साइट के बारेमा हो भन्ने कुरा छुट्याइसके पछि त्यही अनुसारका विज्ञापनहरु डिस्प्ले गर्छ । यसका लागि विज्ञापन कोड राखिसके पछि दश मिनेटको समयले लिने गर्दछ ।
सान्दर्भिक कन्टेन्ट ले भिजिटर ट्राफिक बढाउने काम गर्दछ भने सान्दर्भिक विज्ञापनले ती भिजिटरहरुलाई उक्त विज्ञापनमा क्लिक गराउने मौकामा वृद्धि गर्दछ । यसको मतलब तपाईंको आम्दानी बढ्नु हो । यसरी आम्दानी बढ्दै एकसय डलर पुगेपछि गुगलले चेक पठाउने गर्दछ । जुन चेक तपाईंले आफ्नो बैंक खातामा जम्मा गर्न सक्नु हुने छ । नेपालमा वेस्टर्न युनियन बाट पनि सिधै प्राप्त गर्न सकिन्छ ।
अन्य जनकारीको लागी यि लिङकहरुमा हेर्नुहोस :
