इन्टरनेट प्रयोगकर्तामा भारत तेस्रो नम्वरमा

/ September 05, 2013 / 0 comments


के तपाईलाई थाहा छ इन्टरनेट चलाउने देशहरुमा को अगाडी छ ? तपाईलाई जिज्ञासा हुन सक्छ किनभने विश्व आज सानो गाउँको रुपमा परिणत भएको छ । इन्टरनेट तथा सञ्चारका माध्यमबाट विश्व आज सानो गाउँको रुपमा परिणत भएकोमा कसैको दुईमत छैन । यही क्रममा नेपालका दुई छिमेकी मुलुक चीन र भारत यी कुरामा निक्कै अगाडी छन । इन्टरनेट तथा डिजिटल जगतको जानकारी जुटाउने संस्था कोमस्कोरको ताजा रिपोर्टका अनुसार अमेरिका तथा चीनपछि इन्टरनेटमा सबैभन्दा बढी युजर्स भारतमा भएको बताएको छ ।
रिपोर्टका अनुसार जापानलाई पछि पार्दै भारतका इन्टरनेट युजर्स तेस्रो नम्वरमा आएका हुन । कोमस्कोरको वार्षिक रिर्पोट २०१३ इन्डिया डिजिटल फ्यूचर इन फोकसका अनुसार भारतमा करिब ७ करोड ३९ लाख इन्टरनेट युजर्स छन ।
भारतीय दुरसंचार विनियामक प्राधिकरणले मार्च २०१३ मा आफ्नो रिपोर्टमा भनेका छन कि भारतमा करिब साढे १६ करोड इन्टरनेट युजर्स छन तथा हरेक आठमा सात युजर्स मोबाइलबाट इन्टरनेट प्रयोग गर्छन ।
रिर्पोटमा भारतमा इन्टरनेट चलाउनेमा कम उमेर समुह वा ३५ वर्ष भन्दा कम उमेरका छन । एजेन्सी

Posted in:

0 comments for "इन्टरनेट प्रयोगकर्तामा भारत तेस्रो नम्वरमा"

   

Leave a reply